Zéng Joer laang souz d’Tess Burton als Deputéiert an der Chamber, ouni an där Zäit de Familljebetrib ze vernoléissegen. Als Editrice vun Zeitungen a Gerante vun hirer Kommunikatiounsagence huet si ëmmer eng staark Affinitéit zu hirer Heemecht bewisen. 2020 setzt se hir Passioun fir Kichendicher als Vakanzesouvenir an engem kénge Projet ëm: Si kreéiert eng Textilkollektioun an de Faarwe vu Lëtzebuerg. Déi éischt dräi Modeller, inspiréiert vun engem Vollekslidd, ware bannent engem eenzege Weekend ausverkaaft! Zënterhier si méi wéi 100 Motiver entstanen: symbolträchteg Landschaften, traditionell Rezepter, lokal Riedewendungen …

All Kichenduch erzielt e Stéck Lëtzebuerger Geschicht. Si sinn aus 100 % Kotteng, kënne bei 60 °C gewäsch ginn a sinn op eng laang Liewensdauer ausgeluecht. D’Borde si vun Hand gebutt an déi gefaalten Dicher gi mat enger pabeiers Banderole mat engem raffinéierten Design zesummegehalen. Als lokal Handwierkskonscht konzipéiert, sinn d’Kichendicher net nëmmen en nëtzlechen Alldagsgéigestand: Fir déi eng sinn et Sammlerstécker ginn, déi aner verschenken se oder huelen se gär als Souvenir mat heem.