Am September 2021 huet dem Antoine Paulien seng Rees an d’Welt vun der Textilindustrie ugefaangen. En Abenteuer, dat bei null ugaangen ass, gedroe vum Wonsch, e positiven Afloss op d’Moudebranche ze generéieren, zemools op d’Fast Fashion. Fir säi beruffleche Parcours mat senge Wäerter, déi Mënsch an Ëmwelt respektéieren, iwwereneenzebréngen, ass en zum Autodidakt ginn, huet sech an d’Matière agelies, bei Workshoppe matgemaach an ëmmer méi Kontakter geknëppt. . Säin Dram ass schliisslech mat der Vermaartung vu We are Voyagers Realitéit ginn, enger ökologesch verantwortungsvoller Mark vu Gezei.

D’Gezei vun der Mark We are Voyagers gëtt aus recycléierte Faseren hiergestallt, haaptsächlech aus Woll, mee och aus Stoffreschter a Plastiksfläschen. D’Kleedung ass strapazéierfäeg, ootmungsaktiv a laanglieweg a gouf fir Aktivitéiten am Fräien entwéckelt. Si begleet Abenteurer op hire Reesen – eleng, mat der Famill an iwwer grouss Distanzen. E bësse wéi de Wollef, d’Totemdéier vun der Mark. Well d’Materialien, aus deenen d’Gezei hiergestallt ass, faarflech ëmmer variéieren, sinn dës Artikelen, déi a Frankräich produzéiert ginn, scho bal Eenzelstécker, wat hinnen en Hauch vun Authentizitéit an Eenzegaartegkeet gëtt.