Schokelasbotter – Chocolats du coeur

Mat de Chocolats du Coeur verknëppen d’Ateliers du Tricentenaire Integratioun a Philosophie vum Zesummeliewen zu enger Konscht, déi de Genoss zelebréiert. De Jérôme Colson, Responsable vun den Ateliers, hieft gären d’Leitmotiv vum Tricentenaire ervir: „La Force du Nous“ – zesumme si mir staark. An der Manufaktur zu Biissen oder am Bar à Chocolat zu Walfer kënne Mënsche mat Behënnerungen enger flotter Aarbecht nogoen. Zesumme stelle si héichwäerteg Produiten hier: Knippercher, Tablette Schockela oder och mat Schockela iwwerzunne Friichten. „Hei hält jiddweree mat sengen Atouten d’Koproduktioun um Liewen“, seet de Jérôme Colson.

Bei dësem Schokelasbotter, deen an der Chocolaterie vun den Ateliers du Tricentenaire hiergestallt gëtt, leeft engem d’Waasser am Mond zesummen. Ouni Palmueleg, Faarf- a Konservéierungsstoffer entsprécht de Produit de Fairtrade-Standarden a steet fir handwierklechen Knowhow an héchst Qualitéit. De séisse verbënnt sech mam räichen Aroma vum schwaarze Schockela, soudatt all Maufel e Genoss ass. Op engem Stéck Brout, engem Paangech oder mam Läffel giess: Loosst Iech einfach verféieren!