DEN X VUM DEAN KAUFFMANN A MICHEL SCHON
D’Gesiichter hannert dem Produit
DEAN KAUFFMAN A MICHEL SCHON
Innovatioun ass e Beräich, an deem d‘Lëtzebuerger Dean Kauffman, e Maschinnebauingenieur, a Michel Schon, e Spezialist fir Industriedesign, als Virbiller gëllen. Wat ass hir Spezialitéit? Et ass d’Produktioun am 3D-Drock, vum Eenzelstéck bis hin zur Serieproduktioun, aus performante Materialie vu Plastik bis Metall. E Beispill: Als Kaddo fir d’Clientë vun hirem 3D-Drock-Betrib hunn den Dean an de Michel e Péckvillche kreéiert, dee vun der offizieller Ënnerschrëft vu Lëtzebuerg inspiréiert ass. „Et ass eng Allusioun op d’lokal Kultur a mir fannen et amusant, en traditionelle Produit mat enger anerer Drockmethod unzebidden.“ Ënnert anerem huet den Duo och den éischte Fläschenëffner kreéiert, dee komplett aus Plastik ass a keng Metalldeeler huet. „Dat Bescht um 3D-Drock ass, nieft der Designfräiheet, dass mir d’Resultat kënne bannent e puer Stonne gesinn an net deeglaang waarde mussen, fir ze gesinn, op eis Iddi och funktionéiert.“
De Produit a seng Wäerter
EN X OP MOOSS
De berüümten X vu LuXembourg – Let’s make it happen, d’offiziell Ënnerschrëft vu Lëtzebuerg, gesäit een och op Trophäen an Dekoratiounsartikelen a verschiddene Gréissten, déi am 3D-Drock produzéiert ginn. Haut promovéieren dës Dekoratiounsartikele mam Lëtzebuerger Logo, déi Kreativitéit, Technik an Innovatioun verbannen, d’Land a villen Ambassaden op der ganzer Welt.