„Villfalt stëppelt de Virwëtz, esou datt mir oppe gi fir nei Erfarungen a Perspektiven.“ Seng eegen Definitioun vu Villfalt bréngt de Jean-Paul Friederes dozou, seng Aktivitéiten an der traditioneller Landwirtschaft mat Véizuucht a Mëllechproduktioun ze iwwerdenken. Den ambitionéierten Uebstbauer grënnt „Eppelpress“. Ëmmer op der Sich no neien Erausfuerderungen a voller origineller Iddie geet de Jean-Paul mat senger jonker Entreprise Kooperatioune mat anere Produzenten aus der Regioun an, där Géigend, déi him dat Wichtegst liwwert, wat e fir d’Hierstellung vu sengem Äppeljus brauch. Dës Zesummenaarbecht plus de perséinlechen Engagement ruffen um Enn d’Konzept „Äre Viz vun Ären Äppel“ an d’Liewen.

D’Produite vun Eppelpress ginn no traditionelle Rezepter, ouni kënschtlech Zousazstoffer a just mat Uebst aus der Regioun hiergestallt. Wéi vill um Enn produzéiert gëtt, hänkt dovun of, wéi vill Uebst zur Verfügung steet. „Rout-Kréischel-Sirop“ ass e Sirop aus lokale Roude Kréischelen, deen am Kader vun engem gemeinsame Pilotprojet entstanen ass: dem Uplanze vu Roude Kréischelen an der Regioun